ՊՆ հաշվեկշռում հաշվառված ավտոբուսը Բագրևանդի փողոցում բախվել Է էլեկտրասյանը
Այսօր՝ դեկտեմբերի 24-ին, արտակարգ դեպք է տեղի ունեցել Երեևանում: Ժամը 09:20-ի սահմաններում ՀՀ պաշտպանության նախարարության հաշվեկշռում հաշվառված ՊՆ համարանիշներով ավտոբուսը Բագրևանդի փողոցում ճանապարհի մերկասառույցի պատճառով ընկել է սահքի մեջ ու բախվել էլեկտրասյանը:
Shamshyan.com-ի տեղեկություններով վթարի հետևանքով բարեբախտաբար տուժածներ չկան, սակայն էլեկտրասյունը տապալվել է ու ամբողջությամբ երթևեկելի մի գոտին փակել:
Վթարի փաստով ՀՀ ՊՆ ռազմական ոստիկանությունում փաստաթղթեր են ձևակերպվում, որտեղ էլ պարզվում է վարորդի ինքնությունը:
