Ֆրանսիայի ԱԳ նախարարն իր աջակցությունն է հայտնել Հայաստանին
ԵՄ արտաքին հարաբերությունների խորհրդի նիստին Բրյուսել ժամանած Ֆրանսիայի արտաքին գործերի նախարար Ժան-Նոել Բարրոն Փարիզի աջակցությունն է հայտնել Հայաստանին։ Այս մասին նա հայտարարել է լրագրողների հետ զրույցում: Իսկ Հայաստանում Ֆրանսիայի դեսպան Օլիվյե Դեկոտինին իր X միկրոբլոգում համապատասխան տեսանյութ է հրապարակել:
«Ես կոչ եմ անում Եվրամիությանը զարգացնել իր հարաբերություններն այդ երկրի հետ, որին Ֆրանսիան շատ հավատարիմ է, որպեսզի մենք ևս մեկ անգամ կարողանանք նրան ցուցաբերել ողջ աջակցությունը, որի վրա հույս դնելու իրավունք ունի»,- ասել է Ֆրանսիայի արտգործնախարարը։
