Ով կղեկավարի Սիրիայի անցումային կառավարությունը
Մուհամմադ ալ Բաշիրը կդառնա Սիրիայի անցումային կառավարության ղեկավար, ինչի մասին հայտնել են Тasnim-ը, Reuters-ը և Al Jazeera-ն:
Ալ Բաշիրը նախկինում աշխատել է որպես զարգացման և հումանիտար հարցերի նախարար Իդլիբում գտնվող Սիրիայի փրկության կառավարությունում:
Իսկ Le Figaro-ն՝ վկյակոչելով իր աղբյուրներին, գրում է, որ Ասադի վարչակարգի անկումից հետո Սիրիայի նախկին վարչապետ Ռիյադ Խիջաբը կղեկավարի երկրի անցումային կառավարությունը:
Նա Սիրիայի վարչապետի պաշտոնը զբաղեցրել է 2012 թվականի հունիսից մինչև օգոստոս: Մինչ այդ՝ 2011-12 թթ., եղել է գյուղատնտեսության եւ ագրարային բարեփոխումների նախարար։
Պաշտոնանկությունից հետո ապրում է Հորդանանում:
