Էլմիրա Կարապետյանը Լեհաստանում անցկացված հրաձգության միջազգային մրցաշարում նվաճել է փոխչեմպիոնի տիտղոսը
Լեհաստանի Բիալիստոկ քաղաքում նոյեմբերի 27-ից դեկտեմբերի 1-ը կայացել է «Polish Open Kaliber» միջազգային մրցաշարը։
Հայաստանի հրաձգության հավաքականից մրցմանը մասնակցել են Էլմիրա Կարապետյանը և Նորայր Առաքելյանը։
Տարվա վերջին ստուգատեսի 10մ օդամղիչ ատրճանակ մրցաձևի կանանց պայքարում Կարապետյանը նվաճել է փոխչեմպիոնի տիտղոսը, իսկ Առաքելյանը զբաղեցրել է 10-րդ տեղը:
10 մ օդամղիչ ատրճանակ միքսում Կարապետյանն ու Առաքելյանը գրավել են 8-րդ տեղը:
