ԱՄՆ-ն Ուկրաինային 800 միլիոն դոլար կտրամադրի՝ ԱԹՍ-ների արտադրության համար. Զելենսկի
Ուկրաինայի նախագահ Վլադիմիր Զելենսկին հայտարարել է, որ ԱՄՆ-ից Ուկրաինայի համար նախապատրաստվում է ֆինանսավորման ևս մեկ փաթեթ՝ 800 միլիոն դոլար արժողությամբ անօդաչու թռչող սարքերի արտադրության համար, հայտնում է УНН գործակալությունը։
«Ուկրաինան երախտապարտ է այս աջակցության համար։ Մեզ անհրաժեշտ է, որ, չնայած աշխարհում ցանկացած քաղաքական սպառնալիքի, Ուկրաինան կարողանա հետևողականորեն պաշտպանել իր ինքնիշխանությունը, իր անկախությունը»,- ասել է Զելենսկին։
