TikTok-ը հարյուրավոր աշխատատեղեր կկրճատի՝ բովանդակության մոդերացիայի փոփոխության առնչությամբ. Reuters
Կարճ տեսանյութերի ստեղծման և դիտման TikTok ծառայության օպերատորը կկրճատի մի քանի հարյուր աշխատատեղ ամբողջ աշխարհում՝ բովանդակության մոդերավորման գործընթացի փոփոխության պատճառով։
Դրա մասին հայտնել է Reuters գործակալությունը՝ վկայակոչելով աղբյուրներին։
Նշվում է, որ Մալայզիայում կկրճատվի 700 աշխատատեղ։ TikTok-ի սեփականատերը՝ չինական ByteDance ընկերությունը հայտարարել է, որ ծրագրում է այդ երկրում աշխատանքից հեռացնել շուրջ 500 աշխատակիցների։ Գործակալության աղբյուրները նշում են, որ կրճատումների մեծ մասը կանդրադառնա հարթակում բովանդակության չափավորմամբ զբաղվող աշխատողներին:
TikTok-ը, ի պատասխան Reuters-ի հարցման, հաստատել է «մի քանի հարյուր աշխատակիցների» կրճատման ծրագերը՝ որպես «չափավորությունը բարելավելու ավելի մեծ ծրագրի» մաս։ Գործակալությունը հիշեցրել է, որ հարթակը բովանդակությունը ստուգելու համար «ձեռքով աշխատանքի» և արհեստական բանականության տեխնոլոգիայի վրա հիմնված եղանակների զուգորդում է կիրառում:
