Վարորդը և երկու ուղևորները, մեքենայով հանդերձ, տեղափոխվել են բաժին
ՆԳՆ ոստիկանության ՊԾ Երևանի գնդի 4-րդ գումարտակի ծառայողները օգոստոսի 17-ին, ժամը 23.55-ին, Վազգեն Սարգսյան փողոցում ստուգման նպատակով կանգնեցրել են «Մերսեդես» մակնիշի մի մեքենա: Ուղևորներից մեկը դրսևորել է կասկածելի վարքագիծ, ապա պարեկների հարցին ի պատախան հայտնել է, որ մոտը թմրամիջոց կա:
Վարորդը և երկու ուղևորները, մեքենայով հանդերձ, տեղափոխվել են ոստիկանության Կենտրոնական բաժին:
Անձնական խուզարկությամբ 18-ամյա ուղևորի մոտ հայտնաբերվել են մոխրացված հետքերով կաթուցիչ և մարիխուանա տեսակի թմրամիջոցի նմանվող դեղնականաչավուն զանգված:
Կազմված փաստաթղթերը ներկայացվել են քննչական բաժին:
