Մթերքներ, որոնք նվազեցնում են տեստոստերոնի մակարդակը
Տղամարդու մարմնում տեստոստերոնի մակարդակը կարող է նվազել զտված ածխաջրերի ավելցուկի պատճառով: Այս մասին, ըստ shantnews-ի՝ Lenta.ru-ի հետ զրույցում ասել է բժշկական գիտությունների թեկնածու, ուրոլոգ, ուռուցքաբան Ալեքսանդր Կորոլյովը։
Զտված ածխաջրերի (հաց, նախաճաշի հացահատիկային կամ էժան մակարոնեղենի) չափից ավելի օգտագործումը կարող է ճնշել տեստոստերոնի արտադրությունը: Գայլուկը, որը հանդիպում է գարեջրի մեծ մասում, ունի էստրոգենի նման հատկություններ: Բացի այդ, տեստոստերոնի մակարդակը կարող է նվազել հակաբիոտիկներ և սինթետիկ հորմոններ պարունակող մսի օգտագործման պատճառով:
Տեստոստերոնի անբավարարության ախտանիշները կարող են ներառել հոգնածություն, դեպրեսիա, սեռական ցանկությունների նվազում և մի շարք այլ առողջական խնդիրներ:
Բժիշկը հավելել է, որ քրոնիկ սթրեսը և դրա հետ կապված կորտիզոլի բարձր մակարդակը նույնպես խանգարում են տեստոստերոնի արտադրությանը:
