Բժիշկը քաղցկեղից պաշտպանող համեմունք է նշել
Քրքումն ունի հակաբորբոքային հատկություն և կարող է օգնել կանխել քաղցկեղը, ասել է թերապևտ Օլգա Չիրկովան։ Այս համեմունքի օգտակար հատկությունները բժիշկն անվանել է NEWS.ru-ի հետ զրույցում։
Բժշկի խոսքով՝ բազմաթիվ բնական համեմունքներ օգտակար են օրգանիզմի համար, քանի որ ունեն մանրէասպան և հակաբորբոքային հատկություն, լավացնում են նյութափոխանակությունը և ամրացնում իմունային համակարգը։
Օրինակ՝ քրքումը ոչ միայն հակաբորբոքային է, այլեւ նվազեցնում է ուռուցքների առաջացման վտանգը։
Իսկ, օրինակ, կծու պղպեղի մեջ պարունակվող կապսոյցինը պաշտպանում է արյան անոթներում աթերոսկլերոզային վահանիկների առաջացումից։
Ըստ shantnews-ի՝ Չիրկովան նաև հավելել է, որ սոխն ու սխտորը հարուստ են ֆիտոնսիդներով, որոնք ճնշում են բակտերիաների աճն ու զարգացումը։
