Թուրքիան ռուսական նավթամթերքը վերավաճառում է որպես թուրքական
«Politico»-ն պարզել է, որ Թուրքիան օգնում է Ռուսաստանին շրջանցել պատժամիջոցները՝ ռուսական նավթամթերքները թուրքական պիտակներով։ Այս մասին հայտնում է ermenihaber.am-ը:
2023 թվականի ընթացքում Թուրքիան 105%-ով ավելացրել է Ռուսաստանից նավթամթերքի գնումները։ 107%-ով էլ աճել է դրա արտահանում-վաճառքը Թուրքիայից դեպի Եվրամիության երկրներ։
Ռուսաստանը թուրքական նավահանգիստների միջոցով վառելիքի վաճառքից ստացել է մոտ 3 մլրդ եվրո։ Վառելիքը նշվում է որպես թուրքական և վաճառվում է Եվրոպային։
Վերավաճառողները օգտվում են պատժամիջոցների թույլ կողմերից, որը հնարավորություն է տալիս վաճառել խառը նավթամթերք, եթե դրանք պիտակավորված են որպես ոչ ռուսական: Բացի այդ, Թուրքիան կարող է ռուսական վառելիք գնել ներքին կարիքների համար և վաճառել իր իսկ նավթավերամշակման գործարանների արտադրանքը Եվրոպային։
