Ո՞ր դեպքում դուրս կգաք փողոցային պայքարի հանուն իշխանափոխության. «GALLUP»-ի հարցը՝ քաղաքացիներին

Ո՞ր դեպքում դուրս կգան փողոցային պայքարի հանուն իշխանափոխության. այս հարցը «GALLUP International Association»-ի հայաստանյան ներկայացուցչության հերթական հետազոտության հարցերից էր, որի համար 1100 հարցվածներին առաջարկվել է պատասխանների մի քանի տարբերակ։

Հարցման արդյունքները հետևյալն են.

23.4 տոկոսը նշել է, որ պայքարի դուրս կգա, եթե նոր տարածքներ հանձնվեն Ադրբեջանին,

22.5 տոկոսը՝ պատերազմի նոր վտանգի դեպքում,

13.7 տոկոսը՝ ուժեղ և կամային հատկանիշներով օժտված լիդերի դեպքում,

10 տոկոսը՝ հստակ իշխանափոխության հստակ օրակարգով քաղաքական ուժի դեպքում,

4.5 տոկոսը՝ սոցիալ-տնտեսական իրավիճակի կտրուկ վատթարացման դեպքում։

«GALLUP International association»-ի հայաստանյան ներկայացուցչության տնօրեն Արամ Նավասարդյանը ուշագրավ և վատ ցուցանիշ համարեց այն, որ 36.8 տոկոսը հայտարարել է՝ ոչ մի դեպքում դուրս չի գա պայքարի:

Հիշեցնենք՝ ապրիլի 22-25-ն ընկած ժամանակահատվածում «GALLUP International Association»-ն հարցում է իրականացրել 1100 մարդու շրջանում։