Սուրեն Պետրոսյանն այսօր ազատ կարձակվի. պաշտպան Վարազդատ Հարությունյան
Տավուշում ձերբակալված «Ժողովրդավարական համախմբում» կուսակցության ղեկավար Սուրեն Պետրոսյանն այսօր դուրս կգա ՁՊՎ-ից: Այս մասին 168.am-ի հետ զրույցում հայտնեց նրա պաշտպան Վարազդատ Հարությունյանը։
Նշենք, որ այսօր երեկոյան ժամը 20։10-ին կլրանա 72 ժամը, ինչ Սուրեն Պետրոսյանը ձերբակալված է, նրա նկատմամբ այլևս կալանքի միջնորդություն չի կարող ներկայացվել, քանի որ մեղադրանք չի կարող առաջադրվել 60 ժամվա ընթացքում։
Չի բացառվում, որ Սուրեն Պետրոսյանն ազատ արձակվի ավելի շուտ։
