«Իրանին և Իսրայելին կոչ ենք անում զերծ մնալ ավելի մեծ հակամարտության տանող քայլերից». Թուրքիայի ԱԳՆ
Թուրքիայի արտգործնախարարությունը Իրան-Իսրայել լարվածության վերաբերյալ հանդես է եկել հայտարարությամբ։ Այս մասին տեղեկացնում է ermenihaber.am-ը։
Մասնավորապես նշվում է, որ լարվածությունը, որը սկսվել է Դամասկոսում Իրանի դեսպանատան վրա Իսրայելի հարձակմամբ հակասում է միջազգային իրավունքին և վերջին զարգացումներից հետո կարող է վերաճել մշտական հակամարտության։
«Մենք ուշադիր հետևում ենք իրադարձություններին։ Բոլոր կողմերին կոչ ենք անում զերծ մնալ քայլերից, որոնք կարող են հանգեցնել ավելի մեծ հակամարտության»,- նշվում է հայտարարության մեջ։
Հայտարարության մեջ նաև նշվում է, որ միջազգային հանրության առաջնահերթությունը պետք է լինի Գազայում կոտորածի դադարեցումը և Պաղեստին պետության ստեղծմամբ տարածաշրջանում մշտական խաղաղության ապահովումը։
