Լիտվայում մեկնարկում է ավելի քան 20 հազար զինվորականների մասնակցությամբ զորավարժությունների շարքը
Լիտվայում մեկնարկում է ինտենսիվ զորավարժությունների շարք, որին կմասնակցի ավելի քան 20 հազար զինվորականներ, հազարավոր ռազմական տեխնիկա: Այս մասին հայտնում է «Ինտերֆաքս»-ը՝ վկայակոչելով՝ լիտվական բանակի հրամանատար Վալդեմարաս Ռուպշիսի հայտարարությունը:
«Ինչպես հավաքական պաշտպանության զորավարժությունների, այնպես էլ մեր ազգային զորավարժությունների ինտենսիվությունն այս գարնանը շատ բարձր է: Մոտավոր հաշվարկներով՝ զորավարժություններին կմասնակցի մոտ 20 հազար լիտվացի զինվորական, ինչպես նաև դաշնակից ուժեր», -ասել է նա:
