Եթե Ադրբեջանը չպատժվի և չզգա բացասական հետևանքներ, այդ թվում՝ քաղաքական և տնտեսական պատժամիջոցներ, երբեք չի դադարեցնի իր ագրեսիվ պահվածքը․ Մարուքյան
Արդեն մի քանի օր է՝ Ադրբեջանը հրետակոծում է հայկական դիրքերը և տեղեկություններ է տարածում, որ հենց Հայաստանն է կրակում. X-ի իր էջում գրել է ԼՀԿ նախագահ, ՀՀ նախկին հատուկ հանձնարարություններով նախկին դեսպան Էդմոն Մարուքյանը։
«Սա Ադրբեջանի հաստատած քաղաքականությունն է, որից հետո նրանք նախաձեռնում են սադրիչ ագրեսիվ էսկալացիա հայ-ադրբեջանական սահմանի որոշ հատվածներում։ Մեր բոլոր գործընկերները պետք է լավ հասկանան, որ Հայաստանը Ադրբեջանի վրա կրակելու կամ Ադրբեջանին սադրելու պատճառ չունի, այլ Ադրբեջանն ունի, քանի որ սպառնալով կամ ուժի կիրառմամբ շարունակում է Հայաստանին պարտադրել իր ոչ լեգիտիմ պահանջները։ Այստեղ լուծումն անգամ տեսանելի չէ, քանի որ Արևմուտքը աչք է փակում Ադրբեջանի հանցավոր ռեժիմի պահվածքի վրա, իսկ Ադրբեջանը շարունակում է անպատիժ նոր հանցագործություններ կատարել։ Ես պնդում եմ, որ հայկական ուժերը չեն կրակել, իսկ սա ճիշտ հակառակն է։
Եթե Ադրբեջանը չպատժվի և իր վարքագծի համար չզգա բացասական հետևանքներ, այդ թվում՝ քաղաքական և տնտեսական պատժամիջոցներ, նա երբեք չի դադարեցնի իր ագրեսիվ պահվածքն ու անվերջ դժգոհությունները»,-գրել է նա։
