Խոզի տապակած միս սև սալորով

Բաղադրիչները՝

• 1,5 կգ խոզի փափկամիս
• 150 գ սև սալոր՝ առանց կորիզի
• 4 ճ.գ. հալած խոզի ճարպ
• 2 բաժակ մսային արգանակ
• 2 հատ թթու խնձոր
• 100 գ սերուցք
• 2 ճ.գ. հաղարջի ժելե
• 1 թ.գ. կոճապղպեղի աղացած արմատ
• աղացած սև պղպեղ, աղ

Պատրաստման եղանակը

Սալորների վրա եռացրած ջուր լցրեք ու թողեք մինչև սառչելը: Խնձորները մաքրեք կեղևից, յուրաքանչյուր խնձոր 4 մասի բաժանեք, մաքրեք սերմերից:

Խնձորները միջին չափի կտորներով կտրատեք:

Խոզի միսը կիսեք ու գրքի նման բացեք: Միսը մի փոքր ծեծեք, աղ ու պղպեղ արեք, վրան ցանեք աղացած կոճապղպեղը:

Խնձորները խառնեք սալորաչրի հետ ու լցրեք մսի վրա: Խոզի մսի ծայրերը միացրեք ու կարեք, ամրացրեք:

Լցոնած խոզի միսը բոլոր կողմերից տապակեք խոզի ճարպի մեջ: Տապակած խոզի միսը տեղադրեք տապակի մեջ և 1-1,5 ժամով տեղադրեք ջեռոցում՝ վրան մսային արգանակ լցնելով:

Խոզի միսը թողեք տաք տեղում: Տապակելու ընթացքում առաջացած սոուսի մեջ լցրեք սերուցքը, ավելացրեք ժելեն, աղն ու պղպեղն ու տաքացրեք:

Խոզի մսից հեռացրեք թելերը, կտրատեք այն, տեղադրեք սկուտեղի մեջ ու վրան լցրեք պատրաստած սոուսը: