«Անխուսափելի էր, որ Կիլիանը կհայտնվեր ֆուտբոլի պատմության լավագույն ակումբում». Անդեր Էրերա
Անդեր Էրերան խոսել է Կիլիան Մբապեի՝ Մադրիդի «Ռեալ» հնարավոր տեղափոխության մասին.
«Իհարկե, ես նրան տեսնում եմ «Ռեալում»: Վաղ թե ուշ նրանց ճանապարհները պետք է հատվեին։ Անխուսափելի էր, որ Մբապեն կհայտնվեր ֆուտբոլի պատմության ամենամեծ ակումբում։
Ես Սարագոսայի սան եմ, խաղացել եմ «Յունայթեդում» և ՊՍԺ-ում, բայց չես կարող ժխտել ակնհայտը։ Պատմության լավագույն խաղացողները պետք է ասոցացվեն պատմության լավագույն ակումբի հետ, և դա «Ռեալ Մադրիդն» է»,- ասել է «Ատլետիկի» կիսապաշտպանը «El Chiringuito»-ի եթերում:
