Սամարայի մարզում կամրջի վրա պայթյուն է տեղի ունեցել
ՌԴ Սամարայի մարզի Չապաևսկ քաղաքի մերձակայքում երկաթուղային կամրջի վրա պայթյուն է տեղի է ունեցել: Այդ մասին ՏԱՍՍ-ին հայտնել են օպերատիվ ծառայություններում։
«Առավոտյան մոտավորապես ժամը 5-ին պայթյուն է տեղի ունեցել Չապաևկա գետի երկաթուղային կամրջի վրա: Գնացքների երթևեկությունը կամրջով դադարեցվել է», – ասել է գործակալության զրուցակիցը։
Միջադեպի պատճառով հինգ գնացքների ուշացումներ են սպասվում։
Ըստ հրապարակման՝ միջադեպը տեղի է ունեցել «երկաթուղային տրանսպորտի աշխատանքին կողմնակի անձանց անօրինական միջամտության պատճառով»: Ներկայում գնացքների երթևեկությունն այդ հատվածում դադարեցված է: Միջադեպի հետևանքով սպասվում են մարդատար և մերձքաղաքային գնացքների ուշացումներ։
Նախնական տվյալներով՝ վնասվել են պատվարը և կամրջի հենարանի կառուցատարրերը:
