Վերնաշենի և Խնձորուտի դպրոցներում օդային տագնապի դեպքում պատսպարման թեմայով ուսումնավարժություններ են անցկացվելու
Վայոց ձորի մարզի Եղեգնաձոր համայնքի Վերնաշեն բնակավայրի և Վայք համայնքի Խնձորուտ բնակավայրի միջնակարգ դպրոցներում մարտի 4-ի ժամը 10:00-ից մինչև 14:00-ն ընկած ժամանակահատվածում, անցկացվելու են «Անձնակազմի պատսպարման իրականացումը «Օդային տագնապ» ազդանշանի դեպքում» թեմայով հատուկ տակտիկական ուսումնավարժություններ, որոնց ընթացքում գործարկվելու են էլեկտրական շչակներ: Այս մասին տեղեկացնում են ՀՀ ներքին գործերի նախարարության փրկարար ծառայությունից՝ դպրոցների աշակերտներին և աշխատակիցներին խնդրելով չանհանգստանալ։
