Բազուկով կոտլետներ՝ շվեդական ձևով
Բաղադրիչները
- 500 գ մսի խճողակ (ցանկացած տեսակի միս)
- 150 գ բազուկ
- 1 հատ ձու
- 1 գլուխ սոխ
- 0,75 բաժակ մանրացրած չորահաց
- աղ, աղացած սև պղպեղ
- բուսական յուղ՝ տապակելու համար
Պատրաստման եղանակը
Բազուկը եփեք մինչև փափկելը:
Սոխը խորանարդաձև կտրատեք ու լցրեք բուսական յուղով թավայի մեջ: Տապակեք մինչև ոսկեգույն երանգ ստանալը:
Եփած բազուկը մաքրեք, խոշոր քերիչով քերեք:
Մեծ թասի մեջ լցրեք մսի խճողակը, քերած բազուկը, տապակած սոխն ու ձուն: Ավելացրեք նաև 3 ճ.գ. մանրացրած չորահաց: Աղ ու պղպեղ արեք: Լավ խառնեք:
Մնացած չորահացը լցրեք տափակ ափսեի մեջ: Մսի խճողակից կոտլետներ պատրաստեք, թաթախեք չորահացի մեջ:
Թավայի մեջ բուսական յուղ լցրեք, դրեք կրակին: Տաք թավայի մեջ տեղադրեք կոտլետներն ու երկու կողմից տապակեք մինչև պատրաստ լինելը (յուրաքանչյուր կողմը՝ մոտ 4 րոպե):
Մատուցեք տաք վիճակում:
