Մեծ Բրիտանիան ողջունել է Շվեդիայի հարցով Թուրքիայի կայացրած որոշումը
Թուրքիայի արտգործնախարար Հաքան Ֆիդանը Թուրքիայի արևմտյան հատվածում գտնվող Ստամբուլ քաղաքում հանդիպել է Մեծ Բրիտանիայի արտգործնախարար Դեյվիդ Քեմերոնի հետ:
Հանդիպման օրակարգային հարցերից է եղել Պաղեստինի Գազայի հատվածում տիրող իրավիճակը:
Թուրքական կողմն ընդգծել է Մերձավոր արևելքում կայուն խաղաղության համար Գազայում անհապաղ հրադադարի հաստատման և Պաղեստինի հարցի լուծման անհրաժեշտությունը՝ «Երկու պետություն երկու ժողովրդի համար» սկզբունքով:
Անդրադարձ է կատարվել նաև երկու երկրների միջև Հյուսիսատլանտյան դաշինքի (ՆԱՏՕ) շրջանակներում դաշնակցային հարաբերություններին և դրանց հետ կապված հարցերին:
Նախարարներն ընդգծել են Անկարայի ու Լոնդոնի վճռականությունը բոլոր ոլորտներում առկա համագործակցությունը խորացնելու հարցում:
Բացի այդ, Քեմերոնը ողջունել է Թուրքիայի նախագահի կողմից ՆԱՏՕ-ին Շվեդիայի անդամակցության հայտի մասին օրենքի նախագծի ստորագրումը:
Երկկողմ հանդիպումից հետո անցկացվել են քննարկումներ պատվիրակությունների միջև:
