Աշոցքի, Մարտունիի, Գավառի, Սևանի տարածաշրջաններում ձյուն է տեղում
Հունվարի 16-ին՝ ժամը 19։35-ի դրությամբ, Աշոցքի, Մարտունիի, Գավառի, Սևանի տարածաշրջաններում ձյուն է տեղում։
Սաստիկ բքի պատճառով Նորավանի խաչմերուկից մինչև Գորիս և Շինուհայրից դեպի Մ-9 ճանապարհահատվածները փակ են բոլոր տեսակի տրանսպորտային միջոցների համար։
Նորավան-Լծեն-Տաթև ավտոճանապարհը և Վարդենյաց լեռնանցքը փակ են կցորդով տրանսպորտային միջոցների համար, իսկ մյուս տեսակի տրանսպորտային միջոցների համար՝ դժվարանցանելի է։
Ծովագյուղից մինչև Դիլիջանի թունել ճանապարհահատվածում տեղ-տեղ մերկասառույց է։
Միջպետական և հանրապետական նշանակության մյուս ավտոճանապարհները բաց են:
Ճանապարհաշինարարներն ավտոճանապարհներին իրականացնում են մաքրման և աղ-ավազով մշակման աշխատանքներ:
