ԶՊՄԿ ֆինանսավորմամբ Կապանի «Մանկական կենտրոն» ՀՈԱԿ-ին տրամադրվել է էրգոթերապիայի, զգայական ինտեգրացիայի և անհատական թերապևտիկ պարապմունքների սենյակների համար կահույք և այլ գույք
Հաշմանդամություն ունեցող երեխաների աջակցության «Սորս» հիմնադրամը նշեց հիմնադրման 10-ամյակը։ 10 տարի հիմադրամն աջակցում է հաշմանդամություն ունեցող երեխաներին և նրանց ընտանիքներին՝ վերականգնվելու, ինտեգրվելու և հասարակության լիարժեք անդամ դառնալու բարդ գործում։
Այս տարների ընթացքում տարեկան շուրջ 150 հաշմանդամություն ունեցող երեխա ստանում է անվճար շարունակական թերապիա և այլ ծառայություններ, 40 երեխա` անձնական օգնականի ծառայություն։ Ծառայություններ են մատուցվում ՀՀ բոլոր մարզերում։
Այս 10 տարիներից 7-ը ԶՊՄԿ-ն հաշմանդամություն ունեցող երեխաների ծնողների ստեղծած հիմնադրամի գլխավոր հովանավորն է, ընդհանուր առմամբ ընկերությունն աջակցել է հիմնադրամին մոտ 435 միլիոն դրամով, հավատալով, որ լիարժեք ներառական հասարակության կերտումը հնարավոր է միայն համատեղ ուժերով, հասարակության բոլոր շերտերի մասնակցությամբ։
2023 թվականին ԶՊՄԿ ֆինանսավորմամբ «Սորս» հիմնադրամը Կապանի «Մանկական կենտրոն» ՀՈԱԿ-ին տրամադրել է էրգոթերապիայի, զգայական ինտեգրացիայի և անհատական թերապևտիկ պարապմունքների սենյակների համար փափուկ կահույք և այլ գույք։
Հիմնադրամն ունի մի շարք հովանավորներ, ԶՊՄԿ-ից բացի, նաև՝ աջակցող անհատ նվիրատուներ։
Նվիրատու կարող է դառնալ յուրաքանչյուրը՝ անցնելով այս հղումով։
