«Եթե քաղաքային իշխանությունը չվերանայի այս մոտեցումը, և այս խայտառակ սխալ գործընթացը շարունակի զարգանալ ես հայտարարելու եմ հացադուլ»․ Ավետիք Էլոյան
ՀՀ քաղաքաշինության կոմիտեի նախկին նախագահ Ավետիք Էլոյանը ֆեյսբուքյան իր էջում տարածել է այս լուսանկարը՝ գրելով․ «Սա է առաջարկվում կառուցել թենիսի կորտերի տեղում։ Դժվարանում եմ ճիշտ բառեր գտնել էս պահին, բայց կարող եմ ասել, որ սենց սխալ մեր քաղաքի զարգացման ընթացքում, իր բոլոր խնդրահարույց զարգացումներով հանդերձ, դեռ չի եղել։
Ուրեմն՝ թողած բոլոր ապօրինի կառույցները, մուլտիվելլնեսսները, բուդկեքը, լաբիրինթները, դոկա պիցցաները, ֆլագմանները, ամենաշատ խանգարող բանը 80 տարի պատմություն ունեցող թեննիսի կորտե՞րն են։
Ես հայտարարում եմ, որ եթե քաղաքային իշխանությունը չվերանայի այս մոտեցումը, և այս խայտառակ սխալ գործընթացը շարունակի զարգանալ՝ ես հայտարարելու եմ հացադուլ»։
