Որոնք են ականջներում աղմուկի պատճառները
Ականջներում աղմուկի պատճառները կարող են վնասակար լինել նաև առողջության համար։ Այս մասին Газета.Ru-ի հետ հարցազրույցում մանրամասն խոսել է նյարդաբան, սոմնոլոգ Դիանա Անդրեեւան։
«Ամենատարածված պատճառը արտաքին, միջին և ներքին ականջի հիվանդություններն են։ Հոգե-հուզական խանգարումները, սրտանոթային և էնդոկրին համակարգերի հիվանդությունները նույնպես կարող են ականջներում զնգոցների հանգեցնել»,- ըստ shantnews-ի՝ պարզաբանել է բժիշկը։
Շատ դեպքերում ականջներում զնգոցը վտանգ չի ներկայացնում առողջության համար, սակայն կան ախտանիշներ, որոնց պետք է ուշադրություն դարձնել։ Խոսքը, մասնավորապես, հանկարծակի աղմուկի մասին է, որն ուղեկցվում է լսողության կորստով։ Սա կարող է լինել սենսորային լսողության կորուստ, որը պահանջում է շտապ բուժում։
Նա թվարկել է աղմուկի այլ պատճառներ՝ անևրիզմա, զարկերակային արատներ, երակային սինուսային թրոմբոզ, պերիլիմֆատիկ ֆիստուլա և ներգանգային հիպերտոնիա:
Ոչ զարկերակային աղմուկը բնորոշ է գլխուղեղի և միջին ականջի ուռուցքին, ակուստիկ նեյրոմային, ուղեղի ցողունի ինֆարկտին և թմբկաթաղանթի ծակմանը։
Նման աղմուկի առաջացման դեպքում անհրաժեշտ է նաև կապվել ԼՕՌ մասնագետի հետ և կատարել մի շարք ախտորոշիչ պրոցեդուրաներ, օրինակ՝ մաքուր տոնային շեմի աուդիոմետրիա կամ ուղեղի ՄՌՏ՝ կենտրոնանալով գլխուղեղի անկյունների և ներքին լսողական ուղիների վրա։ Արյան ընդհանուր անալիզը, վահանաձև գեղձի հորմոնները, ինչպես նաև անհանգստության և դեպրեսիայի մակարդակի գնահատումը ավելորդ չի լինի։
