Կրեմլում բացատրել են Պուտինի ձայնի փոփոխությունը
Ռուսաստանի նախագահի մամուլի քարտուղար Դմիտրի Պեսկովը Վլադիմիր Պուտինի ձայնի փոփոխությունը նորմալ է որակել։ Կրեմլի խոսնակի մեկնաբանությունը մեջբերում է ТАСС-ը:
Պետության ղեկավարի ձայնի փոփոխությունը նկատելի էր Բիշքեկում նրա ելույթի ժամանակ։ «Ձայնը մի փոքր խռպոտ էր, պատահում է»,- բացատրել է Պեսկովը։
Ավելի վաղ Պուտինը խոսել էր իր ամենամյա բժշկական զննության մասին։ Զննումը տևել է գրեթե երկու օր, և նախագահը ստիպված է եղել գիշերել բժշկական հաստատությունում։ Նա առողջական զննման արդյունքները դրական է բնութագրել:
