Վարդանիձոր գյուղում հրդեհ է բռնկվել երկհարկանի տանը
Սյունիքի մարզային փրկարարական վարչության ճգնաժամային կառավարման կենտրոն դեկտեմբերի 25-ին ժամը 00:11-ին ահազանգ է ստացվել, որ Վարդանիձոր գյուղում այրվում է խոտի դեզ։
Փրկարար ծառայությունից հայտնում են, որ հրդեհը բռնկվել է գյուղի կենտրոնական հատվածում գտնվող չբնակեցված երկհարկանի տանը:
Հրդեհը մեկուսացվել է ժամը 02:19-ին, մարվել՝ 03:35-ին:
Այրվել են տան (մոտ 100 քմ) փայտե կառուցատարրերը և ներսում մոտ 180 հակ անասնակեր:
