Մինսկում անցկացվում է ԱՊՀ տեղեկատվական խորհրդի նիստը
Մինսկում անցկացվում է ԱՊՀ երկրների պետական տեղեկատվական գործակալությունների ղեկավարների խորհրդի (ԱՊՀ տեղեկատվական խորհուրդ) 30-րդ նիստը։
Ինչպես տեղեկանում ենք ՏԱՍՍ-ից, նիստի մասնակիցները քննարկել են համագործակցության հարցերը 2024 թվականին, որն ԱՊՀ-ում հռչակվել է կամավորական շարժման տարի:
Հանդիպման ընթացքում քննարկվել են լրագրողների փոխանակման ծրագրերի մշակման զարգացումը, մասնագիտական որակավորման բարձրացման դասընթացների անցկացումը, մամուլի շրջայցերի կազմակերպումը։և
ԱՊՀ գլխավոր քարտուղար Սերգեյ Լեբեդևը նիստի մասնակիցներին ողջույնի խոսքում ասել է, որ ԱՊՀ տեղեկատվական խորհուրդն ապահովում է տարածաշրջանում ինտեգրման գործընթացների տեղեկատվական աջակցությունը։
«Տեղեկատվական խորհուրդը Համագործակցության տարածքում աշխատում է արդեն 28 տարի։ Այն հետխորհրդային տարածքում ոլորտային համագործակցության ամենահին մարմիններից մեկն է, որը տեղեկատվական աջակցություն է ապահովում տարածաշրջանում ինտեգրացիոն գործընթացների համար», – նշել է Լեբեդևը։
