«Թուրքիային երևի լավ չեն ճանաչում. դրա համար շատ ու շատ ծանր գին են վճարելու». Էրդողան
Թուրքիայի նախագահ Ռեջեփ Թայիփ Էրդողանը Կատարից վերադառնալիս անդրադարձել է Իսրայելի այն հայտարարությանը, ըստ որի` Իսրայելը պատրաստվում է սպանել Պաղեստինից դուրս բնակվող, այդ թվում՝ Թուրքիայում գտնվող ՀԱՄԱՍ խմբավորման առաջնորդներին։ Այս մասին տեղեկացնում է ermenihaber.am-ը։
Էրդողանը մասնավորապես նշել է․ «Նախ և առաջ այդ լուրը հայտնողներին կասեմ, որ Թուրքիային երևի լավ չեն ճանաչում։ Թուրքերին չեն ճանաչում։ Մեզ չեն ճանաչում։ Եթե նրանք նման սխալ թույլ տան, պետք է իմանան, որ դրա համար շատ ու շատ ծանր գին են վճարելու»։
Թուրքիայի նախագահի խոսքով, եթե իսրայելցիները համարձակվեն նման քայլի գնալ Թուրքիայի և թուրքերի դեմ, կդատապարտվեն վճարել այնպիսի գին, որ էլ երբեք չկարողանա մեջքը ուղղել։ Նման բան փորձողները պետք է չմոռանան, որ դրա հետևանքները կարող են շատ լուրջ լինել։
