Մեզ այսօր պետք է մոբիլիզացնող գաղափարախոսություն, այլ ոչ թե առանց այն էլ եղած բաժանարար գծերը խորացնող․ Կարեն Վրթանեսյան
Ռազմական փորձագետ Կարեն Վրթանեսյանը ֆեյսբուքյան իր էջում գրում է․ «Արևմուտք vs Ռուսաստան գաղափարախոսական կռիվների մեջ մեր ներքաշվելը վնաս է նաև այն առումով, որ Ռուսաստանը սեփական գաղափարախոսական պրոդուկտ չի առաջարկում։
Մեծ հաշվով Արևմուտքում տարբեր ժամանակներում բուսնած որոշ գաղափարախոսությունների ոչ այնքան հաջող վերափաթեթավորումներ են։
Մեզ այսօր պետք է մոբիլիզացնող (նշանակում է՝ նաև միավորող) գաղափարախոսություն, այլ ոչ թե առանց այն էլ եղած բաժանարար գծերը խորացնող։ Հայաստանի իրավիճակում այդ միակ գաղափարախոսությունը առողջ՝ ռացիոնալ ազգայնականությունն է»։
