Թուրքիայում կանայք ավելի երկար են ապրում, քան տղամարդիկ
Թուրքիայի վիճակագրական կոմիտեն (TUİK) տվյալներ է հրապարակել՝ կապված Թուրքիայում ամենից երկարակյաց բնակչություն ունեցող նահանգների հետ: Այս մասին տեղեկացնում է ermenihaber.am-ը։
Ըստ այդմ՝ տղամարդկանց երկարակեցությամբ աչքի ընկնող և ամենաբարձր ցուցանիշն ունեցող նահանգը Գյումյուշհանեն է՝ կյանքի 78.1 տարի միջին տևողությամբ, իսկ կանանց դեպքում Թունջելին՝ 84.1 տարի կյանքի միջին տևողությամբ:
Տղամարդկանց երկարակեցության ամենացած ցուցանիշը գրանցվել է Քիլիս նահանգում (73.5 տարեկան):
Կանանց դեպքում ևս կյանքի տևողությամբ աչքի ընկած ամենացածր նահանգը Քիլիսն է, սակայն այս պարագայում այն գերազանցում է տղամարդկանց կյանքի միջին տևողությունը 5.3 տարով՝ կազմելով 78.8 տարի:
TUİK-ի տվյալները ցույց են տալիս, որ Թուրքիայում կանանց կյանքի միջին տևողությունն ավելի բարձր է, քան տղամարդկանցը:
