Այստեղ Արցախի պետական ինստիտուտներ պահելու և զարգացնելու նպատակ չեմ տեսնում. դա Հայաստանի անվտանգությանն ուղիղ սպառնալիք է և հարված. Ալեն Սիմոնյան
Ալեն Սիմոնյանն Արցախի պետական ինստիտուտները Հայաստանում պահպանելու և զարգացնելու նպատակ չի տեսնում։ Այս մասին նա հայտարարեց այսօր ԱԺ-ում լրագրողների հետ ճեպազրույցում` անդրադառնալով հարցին` Արցախի հարցն ավարտված համարո՞ւմ է, թե՞ ոչ։
«Ի՞նչ է նշանակում` Արցախի հարցը վերջացել է։ Մենք ունենք արցախահայության մեծ խնդիր։ Այնտեղ պետականություն ստեղծելու կամ այստեղ պետական ինստիտուտներ պահելու և զարգացնելու նպատակ չեմ տեսնում։ Համարում եմ, որ դա Հայաստանի անվտանգությանն ուղիղ սպառնալիք է և հարված»,- ասաց Ալեն Սիմոնյանը՝ կոչ անելով բոլոր գործընկերներին նույն տրամաբանությամբ շարժվել։
