ՌԴ զբոսաշրջիկների համար ամենապահանջվածը Ծաղկաձորն է
ՌԴ լեռնադահուկորդներն ու սնոուբորդիստները արդեն սկսել են լեռնադահուկային հանգստավայրերի տուրեր ամրագրել, պահանջարկ վայելող հանգստավայրերի առաջին հորիզոնականներում ԱՊՀ երկրներն են ու Վրաստանը։ Այս մասին հայտնում է ՌԻԱ Նովոստին` հղում անելով Ռուսաստանի զբոսաշրջության արդյունաբերության միության (RST) մամուլի ծառայությանը։
Պահանջարկ են վայելում նաև եվրոպական (Իտալիա և Սերբիա) և ասիական (Հարավային Կորեա և Ճապոնիա) ուղղությունները ՝:
«Ըստ «Ինտուրիստ» զբոսաշրջային օպերատորի` լեռնադահուկային սեգմենտում ամենապահանջվածը համեմատաբար էժան Ծաղկաձոր հանգստավայրն է»,- նշված է հաղորդագրության մեջ։
Ցանկում կան նաև ադրբեջանական և վրացական հանգստավայրեր։
