Ադրբեջանի նախագահն իր մասնակցությունը հանդիպմանը չի հաստատել՝ հանդիպում չի լինի. Նիկոլ Փաշինյան
Ադրբեջանի Թեպետ Բրյուսելում նախատեսվող հանդիպումը չի կայանա, սակայն կան աշխատանքային մանրամասներ, որոնց վերաբերյալ առաջիկա օրերին Հայաստանը կփորձի պարզաբանումներ ստանալ ԵՄ գործընկերներից։ Այս մասին ԱԺ–ում կառավարության հետ հարցուպատասխանի ժամանակ ասաց Նիկոլ Փաշինյանը։
Նա ենթադրում է, որ Բրյուսելում հանդիպումը չի կայանա, քանի որ Ադրբեջանի նախագահը չի հաստատել իր մասնակցությունը այդ հանդիպմանը։
Այնուամենայնիվ, վարչապետի խոսքով, Հայաստանը ԵՄ գործընկերների հետ պետք է հասկանա հետագա անելիքները։
«Որոշ հարցերի պատասխան ունենք, բայց չէի ցանկանա շտապել այդ ամենի վերաբերյալ գնահատական հնչեցնել։ Ես կարող եմ ասել` ինչպես նախկինում, մենք պատրաստակամություն ենք հայտնել, որպեսզի մասնակցենք այդ հանդիպմանը»,- ասաց Փաշինյանը։
Նա ուշադրություն հրավիրեց ԵԽ նախագահի 2023 թվականի հուլիսի 15-ի հայտարարությանը, որում արձանագրված են այն երեք կարևոր սկզբունքները, որոնց հիման վրա պայմանավորվել են, որ պետք է տեղի ունենա խաղաղության գործընթացը և կնքվի խաղաղություն։
«Դրանից առաջինը Հայաստանի և Ադրբեջանի փոխադարձաբար միմյանց տարածքային ամբողջականությունը ճանաչելն է։ Ընդ որում` այդտեղ կոնկրետ տարածքային չափեր են նշվել, որոնք, ըստ էության, տարածքների վերաբերյալ քաղաքական գնահատականի արձանագրումն են։ Երկրորդը, որն ավելի կոնկրետ է` Ալմա Աթայի հռչակագրի հիման վրա սահմանների դելիմիտացիայի իրականացումն է։ Եվ երրորդ սկզբունքը` տարածաշրջանային կոմունիկացիաների բացումը, պետք է տեղի ունենար երկրների սուվերենության, իրավազորության հիման վրա` փոխադարձության և հավասարության սկզբունքով»,- թվարկեց Փաշինյանը։
Նա հավելեց, որ հայկական կողմը պատրաստ է առաջ գնալ խաղաղության գործընթացում և նախկինում հնչեցված հայտարարություններում որևէ բան չի փոխվել։իր մասնակցությունը հանդիպմանը չի հաստատել՝ հանդիպում չի լինի. Նիկոլ Փաշինյան
