Ադրբեջանը շահագրգռված է Հայաստանի հետ խաղաղության հաստատմամբ․ Բայրամով
Ադրբեջանը շահագրգռված է Հայաստանի հետ խաղաղության հաստատմամբ՝ տարածքային ամբողջականության և ինքնիշխանության շրջանակներում։ Այս մասին, ըստ ադրբեջանական Azertac պետական գործակալության՝ ասել է Ադրբեջանի արտգործնախարար Ջեյհուն Բայրամովը՝ Անգլիկան եկեղեցու հոգևոր առաջնորդ, Քենթրբերիի արքեպիսկոպոս Ջասթին Ուելբիի հետ հանդիպման ժամանակ։
«Հուսով ենք, տարածաշրջանում հիմնական սպառնալիք հանդիսացող հայկական անօրինական զինված ուժերի ներկայության դադարեցումը կծառայի տարածաշրջանի խաղաղությանն ու կայունությանը», – ասել է Բայրամովը։
Նա Ջասթին Ուելբիին է ներկայացրել նաև «հայ բնակիչների վերաինտեգրման ուղղությամբ ինտենսիվ աշխատանքները»։
