Բլինքենը Կիևում է․ Ուկրաինան կարող է ևս 1 միլիարդ դոլարի օգնություն ստանալ ԱՄՆ-ից
ԱՄՆ պետքարտուղար Էնթոնի Բլինքենը ժամանել է Կիև ուկրաինացի պաշտոնյաների, այդ թվում՝ Ուկրաինայի նախագահ Վլադիմիր Զելենսկիի հետ բանակցություններ վարելու։ Այս մասին տեղեկանում ենք CNN-ի հրապարակումից։
Պարբերականը նշում է, որ այս այցը տեղի է ունենում այն քննարկումների ֆոնին, որ Ուկրաինայի հակահարձակումն ընթանում է ավելի դանդաղ տեմպերով, քան ակնկալվում էր։
Ըստ Պետքարտուղարությունում բարձր պաշտոն զբաղեցնող CNN-ի աղբյուրի՝ Բլինքենը նաև ավելի քան 1 միլիարդ դոլարի նոր ֆինանսավորում կտրամադրի Ուկրաինային։
