Գաբոնը հայտարարել է ցամաքային և օդային սահմանների վերաբացման մասին
Գաբոնում իշխանությունը զավթած զինվորականները, ովքեր պաշտոնաթող արեցին նախագահ Ալի Բոնգո Օնդիմբային, հայտարարել են ցամաքային, ծովային և օդային սահմանների բացման մասին։
Ինչպես տեղեկացնում է «Lenta.ru»-ն, այդ մասին պետական հեռուստատեսության եթերում հայտարարել է Հաստատությունների անցումային շրջանի և վերականգնման կոմիտեի ներկայացուցիչ, գնդապետ Ուլրիխ Մանֆումբին։
Օգոստոսի 30-ին Գաբոնում տեղի ունեցած պետական հեղաշրջումից հետո սահմանները փակվեցին։ Մի խումբ բարձրաստիճան զինվորականներ իշխանությունը զավթեցին, երբ հայտնի դարձավ, որ Ալի Բոնգո Օնդիմբան երրորդ անգամ է հաղթել նախագահական ընտրություններում։ Ապստամբները հայտարարել են, որ չեն ճանաչում քվեարկության արդյունքները և պետության ղեկավարին տնային կալանքի են ենթարկել։ Գաբոնի ժամանակավոր նախագահ է նշանակվել գեներալ Բրիս Օլիգի Նգուեման։
