Ավտովթար՝ Դովեղ գյուղում. կա զոհ
Օգոստոսի 24-ին, ժամը 18։00-ին Տավուշի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Դովեղ գյուղում տեղի է ունեցել ՃՏՊ:
Փրկարար ծառայությունից տեղեկանում ենք, որ դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Դովեղ գյուղի «Գեղատեղի» կոչվող հանդամասում «VAZ» մակնիշի ավտոմեքենան (վարորդ՝ Ս. Կ., ծնված 1953 թ․) դուրս է եկել ճանապարհի երթեւեկելի հատվածից եւ մոտ 30 մ գլորվել ձորը:
Փրկարարները հոսանքազրկել են ավտոմեքենան, փակել գազի բալոնի փականը, վարորդի դին դուրս բերել ձորից եւ մոտեցրել շտապօգնության մեքենային:
