ՀՀԿ-Միացյալ Ռուսաստան միջկուսակցական կապերը զարգացման նոր փուլ են թևակոխում
ՀՀԿ -Միացյալ Ռուսաստան միջկուսակցական կապերը զարգացման նոր փուլ են թևակոխում։
Հունիսի 22-24 -ը ՀՀԿ պատվիրակությունը/ՀՀԿ ԳՄ անդամ Է.Շարմազանով և ՀՀԿ Խորհրդի անդամ Հ.Դանիելյան/ Միացյալ Ռուսաստան կուսակցության հրավերով Մինսկում մասնակցել են «Ռուսաստանի բարեկամները» միջազգային համաժողովին ու «Քաղաքակրթական երկխոսություն» թեմայով կլոր սեղան-քննարկմանը։
Կարևորվել են ՀՀԿ-Միացյալ Ռուսաստան կապերի ամրապնդումն ու քննարկվել են երկու պետությունների համար կենսական նշանակություն ունեցող հարցեր։
Հատուկ ներկայացվել է ՀՀԿ դիրքորոշումը Արցախյան հիմնահարցի հետ կապված ու արձանագրվել.
1. Ի տարբերություն Փաշինյանի ՝ ՀՀԿ-ն Արցախը չի ճանաչել ու չի ճանաչելու Ադրբեջանի մաս։
2. Արցախի ժողովրդի ինքնորոշման իրավունքն անքակտելի է։
3. Ադրբեջանի կողմից Արցախի շրջափակումը հումանիտար աղետ է, իսկ միջանցքն էլ անհապաղ պետք է բացվի։
Անդրադարձ է կատարվել ՀՀԿ փոխնախագահ Արմեն Աշոտյանի ապօրինի կալանավորմանը ու արձանագրվել Արմեն Աշոտյանի քաղբանտարկյալ լինելու փաստը։
Կողմերն արձանագրել են երկու կուսակցությունների կարևոր դերը հայ-ռուսական դաշնակցային հարաբերություններն ամրապնդելու գործում։
