«Իսկ գիտե՞ք արդյոք, թե ինչ է մտածում ԲԴԽ-ի մասին ՀՀ սովորական քաղաքացին». Վահան Հովհաննիսյան
Փաստաբան Վահան Հովհաննիսյանն իր ֆեյսբուքյան էջում գրում է․ «Սահմանադրության 173-րդ հոդվածի համաձայն՝ Բարձրագույն դատական խորհուրդն անկախ պետական մարմին է, որը երաշխավորում է դատարանների և դատավորների անկախությունը:
Խնդրում եմ մեկ անգամ ևս ընթերցել՝ մարմին, որն ապահովում է դատավորների անկախոթյունը:
Իրավաբանությունից հեռու, ԲԴԽ գործառութային պարտականությունների մասին գաղափար չունեցող միջին վիճակագրական ՀՀ քաղաքացուն եթե հարցնես ԲԴԽ-ն ի՞նչ կառույց է և ինչի՞ համար է ստեղծված, ի՞նչ կպաասխանի ձեզ այդ մվ ՀՀ քաղաքացին:
Կասի՞ արդյոք, որ ԲԴԽ-ն դատավորների անկախությունն ապահովող մարմին է: Եթե կասի, ապա դա ԲԴԽ լավագույն գնահատականն է:
Իսկ գիտե՞ք արդյոք թե ինչ է մտածում ԲԴԽ-ի մասին սովորական ՀՀ քաղաքացին: Եթե չգիտեք, ապա հնչեցնենք այսօրվա տաքսիստի թարմ կարծիք.
ԴԱՏԱՎՈՐՆԵՐԻՆ ԴԱՏԵԼՈԻ ՀԱՄԱՐ Է»:
