Վրաստանը դեպի Ռուսաստան ևս մեկ շրջանցիկ ճանապարհ կկառուցի
Ավտոճանապարհների դեպարտամենտը 245,9 մլն լարիի ($94,2 մլն) մրցույթ է հայտարարել վրաց-ռուսական սահման՝ Կազբեգի-Վերին Լարս անցակետի ուղղությամբ նորացված ճանապարհային հատվածի կառուցման համար, գրում է Sputnik Georgia-ն։
Նոր ճանապարհը լինելու է Արշա-Ստեփանծմինդա շրջանցիկ ճանապարհի շարունակությունը և լինելու է նոր մայրուղու առանցքային հատվածներից մեկը։ Դրա շնորհիվ հնարավոր կլինի հասնել Կոբի գյուղ՝ առանց Ստեփանծմինդայում կանգ առնելու։
Ներկայում Վրաստանում կառուցվում է ևս մեկ ճանապարհ՝ Քվեշեթի-Կոբի՝ Կոբի-Գուդաուրի հատվածի շրջանցիկ ճանապարհ, քանի որ այնտեղ ձմռանը հաճախ ձնահյուսի վտանգ է սպառնում, ինչի պատճառով ճանապարհը փակվում է։
