Ավտոմեքենան բախվել է ճամփեզրի արգելապատնեշին, հրդեհ է բռնկվել. կան տուժածներ
Արագածոտնի մարզային փրկարարական վարչության ճգնաժամային կառավարման կենտրոն hունիսի 9-ին, ժամը 23։27-ին ահազանգ է ստացվել, որ Ապարան-Քուչակ ավտոճանապարհին այրվում է ավտոմեքենա:
Ինչպես տեղեկանում ենք Փրկարար ծառայության տարածած հաղորդագրությունից, դեպքի վայր մեկնած հրշեջ-փրկարարները պարզել են, որ Քուչակ-Ապարան ավտոճանապարհի 1-ին կմ-ին «BMW» մակնիշի ավտոմեքենան բախվել է ճամփեզրի արգելապատնեշին և շրջվել. ավտոմեքենայում հրդեհ է բռնկվել:
Մինչ փրկարարների կանչի վայր հասնելը՝ վարորդը և երեք ուղևոր տեղի ուժերով հոսպիտալացվել են Ապարանի ԲԿ, որտեղ բժիշկները տուժածների առողջական վիճակները գնահատել են միջին ծանրության։
Հրդեհը մեկուսացվել է ժամը 23։55-ին, մարվել հունիսի 10-ին, ժամը 00։18-ին։ Այրվել է ավտոմեքենան։
