Բժիշկը թվարկել է համակարգային բորբոքում առաջացնող սննդամթերքները
Հեշտ մարսվող ածխաջրեր պարունակող մթերքները կարող են հանգեցնել մարմնում համակարգային քրոնիկական բորբոքման: Այս մասին հայտարարել է Atlas կլինիկաների գիտական խորհրդի նախագահ, բժշկական գիտությունների թեկնածու, նյարդաէնդոկրինոլոգ Յուրի Պոտեշկինը։
«Դրանք քաղցր ըմպելիքներ, աղանդեր, քաղցրավենիք, քաղցրացված կաթնամթերք և զտված հացահատիկային ապրանքներն են՝ սպիտակ հաց, ալյուրի արտադրանք, սպիտակ բրինձ, գարի»,- ըստ shantnews-ի՝ բացատրել է մասնագետը Gazeta.Ru-ին տված հարցազրույցում:
Նա հավելել է, որ այս մթերքները կարող են առկա լինել սննդակարգում, սակայն չպետք է կազմեն օրական կալորիաների 10%-ից ավելին, քանի որ դրանք ունեն բարձր գլիկեմիկ ինդեքս, կարող են մեծացնել օքսիդատիվ սթրեսը և ակտիվացնել պրոբորբոքային գեները։
Բացի դրանից, խուսափեք տրանս ճարպերով հարուստ մթերքներից: Դրանք 34%-ով բարձրացնում են ցանկացած պատճառով մահացության հավանականությունը, իսկ սրտանոթային համակարգի հիվանդություններինը՝ 21%-ով։
Բացի դրանից, մի օգտագործեք շատ աղ: Դրա օրական չափաբաժինը պետք է լինի 5-6 գ-ից ոչ ավելի, միաժամանակ աղի ավելցուկը կարող է նվազեցնել աղիներում Lactobacillus բակտերիաների պոպուլյացիան, որոնք պայքարում են բորբոքման դեմ։
Ըստ Պոտեշկինի, բորբոքումը իմունային պատասխանն է բացասական գործոններին: Եթե այն 2-6 շաբաթվա ընթացքում չի անհետանում, այն դառնում է խրոնիկ, ինչը հանգեցնում է մարմնի սեփական բջիջների ու հյուսվածքների քայքայմանը, ֆիբրոզի զարգացմանը։ Արդյունավետ բուժում, ինչպես նշել է մասնագետը, գոյություն չունի։
