Արթիկում երիտասարդի եւ աղջկա մահվան փաստով քրեական վարույթ է նախաձեռնվել սպանության հատկանիշներով
Շիրակի մարզի Արթիկ քաղաքի ավտոտնակներից մեկում երիտասարդ տղայի եւ աղջկա մահվան փաստով քրեական վարույթ է նախաձեռնվել:
Քրեական վարույթը նախաձեռնվել է ՀՀ ՔՕ 55-րդ հոդվածի 1-ին մասով (սպանություն)։ Նշանակվել է համալիր փորձաքննություն։
Հիշեցնենք` փետրվարի 24-ին Արթիկ քաղաքի ավտոտնակներից մեկում կայանված «Մերսեդես» մակնիշի ավտոմեքենայի հետեւի նստատեղին հայտնաբերել են տղամարդու, իսկ ավտոմեքենայի կողքին՝ գետնին, աղջկա դի:
Ըստ տեղեկությունների՝ մահացածներն են՝ Շիրակի մարզի բնակիչներ 26-ամյա Սարգիս Ա.-ն եւ 18-ամյա Ազատուհի Հ.-ն:
