Հունգարիան դեմ է արտահայտվել ռուսական նավթամթերքի նկատմամբ պատժամիջոցների ընդլայնմանը
Եվրոպայում փետրվարի 5-ին ռուսական նավթամթերքի դեմ պատժամիջոցների ուժի մեջ մտնելուց հետո հնարավոր է դիզվառելիքի գների աճ և ծավալի կրճատում, քանի որ Ռուսաստանը ապահովել է Եվրոպայի դիզվառելիքի կարիքների կեսը։
Ինչպես հայտնում է «ՌԻԱ Նովոստի»-ն, այս մասին հայտնել է Հունգարիայի էներգետիկայի նախարարությունը:
«Եվրոպայում կարելի է զգալ նույնիսկ դիզվառելիքի պակաս և նավթամթերքի գների բարձրացում, քանի որ ԵՄ-ի դիզելային կարիքների կեսը դեռևս ապահովում են ռուսական աղբյուրները: Պատժամիջոցների արդյունքում Եվրոպան այժմ ստիպված է ապրանքներ գնել այլ՝ ավելի հեռավոր տարածաշրջաններից, օրինակ՝ ներմուծելով հնդկական, մերձավորարևելյան կամ չինական ապրանքներ, ինչը նշանակում է, որ կարող է նավթամթերք գնել շատ ավելի թանկ, ինչը կարող է հանգեցնել մատակարարման անկայունության»,- ասված է նախարարության հաղորդագրության մեջ։
Նախարարությունը հիշեցրել է, որ Հունգարիան ի սկզբանե դեմ էր Ռուսաստանի էներգետիկ ոլորտի նկատմամբ պատժամիջոցների ընդլայնմանը, քանի որ նավթի մեծ մասը երկիր է մտնում Ռուսաստանից՝ «Բարեկամություն» խողովակաշարով։
