Իմունային համակարգը հնարավոր է ճիշտ մեթոդներով բարձրացնել
Հատկապես աշուն-ձմեռ սեզոնին, նրանք ովքեր ունեն իմունային համակարգի հետ կապված խնդիր, փորձում են բարձրացնել: Ինչու դա չպետք է արվի և ինչպես օգնել իմունային համակարգին, Sputnik ռադիոյին տված հարցազրույցում, ըստ shantnews-ի՝ բացատրել է բժիշկ, թունաբան, գիտական լրագրողների ակումբի անդամ Ալեքսեյ Վոդովոզովը։
Իմունիտետը «բարձրացնելու» համար դեղեր և վիտամիններ ընդունելը անիմաստ է՝ ըստ բժշկի:
«Մեզ պետք չէ իմունային համակարգին հզոր պատասխան: Օրինակ, աուտոիմուն պաթոլոգիան ավելի հզոր իմունային պատասխան է: Կամ հիպերիմուն ռեակցիան, որի մասին շատերն արդեն լսել են, ցիտոկինային փոթորիկը, որը մարդկանց սպանել է COVID-19-ի ժամանակ»,- ասել է Վոդովոզովը։
Բժշկի խոսքերով առողջ ապրելակերպ վարելու դեպքում իմունային համակարգը կարող է դիմակայել բոլոր սպառնալիքներին:
«Չափից շատ ուտելը, ֆիզիկական անգործությունը, ավելորդ սթրեսը, քնի պակասը, այս ամենը հարվածում են իմունային համակարգին: Հետևաբար, պայմանականորեն մենք կարող ենք օգնել նրան՝ վերացնելով այս գործոնները: Այսինքն՝ նորմալ սնվել, չչարաշահել, չհանգեցնել գիրության, փորձել շարժվել»,- ասել է Վոդովոզովը:
Այս խնդիրը լուծելու համար պետք չէ զբաղվել հոգնեցնող ֆիզիկական վարժություններով, հավելել է նա։
Մասնագետը խորհուրդ է տվել մեր ամենօրյա սովորական գործողություններով նպաստել իմունային համակարգի բարձրացմանը, օրինակ՝ աշխատանքի կամ տուն գնալու ճանապարհին կարող ենք մեկ կանգառ ավելի շուտ իջնել, շատ շարժվել, որպեսզի բոլոր օրգաններն ու համակարգերը նորմալ աշխատեն, ներառյալ իմունային համակարգը:
