Ադրբեջանում Իրանի դեսպանը կանչվել է Թեհրան խորհրդակցությունների
Ադրբեջանում Իրանի դեսպան Սաիդ Աբբաս Մուսավին Իրան-Ադրբեջան հարաբերությունների սրման ֆոնին Թեհրանում հանդիպել է Իրանի արտգործնախարար Ամիր Աբդոլլահիանի հետ։
Այս մասին Ադրբեջանում Իրանի դեսպանի և Իրանի արտաքին գործերի նախարարի հանդիպման մասին հայտնել է իրանական Mehr գործակալությունը:
Ադրբեջանում Իրանի դեսպան Սաիդ Աբբաս Մուսավին Հոսեյն Ամիր Աբդոլլահիանի հետ հանդիպման ժամանակ ներկայացրել է Իրանի և Ադրբեջանի միջև երկկողմ հարաբերությունների վերջին զարգացումների և ապագայի ծրագրերի մասին զեկույցը:
