«Ծակ գլուխները». Ավետիք Իշխանյան
Ավետիք Իշխանյանը ֆեյսբուքյան իր էջում գրել է. «ԾԱԿ ԳԼՈՒԽՆԵՐԸ
Լսեցի ԿԳՄՍ կոչվող նախարար Վահրամ Դումանյանի «մասնագիտական» խոսքը թամանյանական կոթող կառավարական շենքի վրա 6000 անցքեր բացելու մասին։ Պարոն նախարարն ասում է, որ ինքը ճարտարապետ չի և չի կարող մասնագիտական գնահատական տալ տեղի ունեցածին։ Կարծեմ նախարարության անվան մեջ Մ տառը նշանակում է մշակույթ։ Պարզվում է, որ ըստ նախարարի ճարտարապետությունը մշակույթ չէ։
Նախարարն ասում է, որ բոլոր անցքերը կվերականգնվեն։ Չգիտես ինչ ասել։ Կասեմ միայն հետևյալը․
-Չգիտեմ, թե ինչպես են վերականգնելու անցքերը, որ հետքերը չմնան։ Պարզ է որ այն անհնար է և այդ անցքերի հետքերը խարան են լինելու այսօրվա անմշակույթ իշխանության ճակատին։ Եվ վերջապես, պարոն նախարար, եթե շենքի անցքերի վերականգնումը ձեր կարծիքով հնարավոր է, իսկ ի՞նչ կարծիքի եք, կառավարության աանդամների գլուխների ծակերը կամ անցքերը վարականգնել հնարավո՞ր է, թե՞ ոչ։
Իհարկե՝ ոչ»։
