21-րդ դարում կիբերանվտանգության հիմնական սպառնալիքները
AT&T. DDoS հարձակումները և փրկագին ծրագրերը նշվում են՝ որպես կիբերանվտանգության գլխավոր սպառնալիքներ:
Անվտանգության փորձագետները թվարկել են այսօրվա հասարակության կիբերանվտանգության հիմնական սպառնալիքները: Այս մասին հայտնում է AT&T կայքը։
Վերլուծաբան Անաս Բայգի կարծիքով՝ փրկագին ծրագիրը 21-րդ դարում առցանց անվտանգության գլխավոր սպառնալիքներից մեկն է՝ ինչպես անհատների, այնպես էլ՝ ձեռնարկությունների համար: Մասնագետը նշեց, որ նման ծրագրերը համեմատաբար հեշտ է գործարկել, և զոհ կարող են լինել և՛ սովորական ինտերնետ օգտագործողները, և՛ խոշոր ձեռնարկությունները։ Ավանդաբար հեղինակն ընդգծել է DDoS հարձակումների սպառնալիքը, որը որոշ դեպքերում կարող է կործանարար վնաս պատճառել:
Սպառողների համար աճող ռիսկը կապված է իրերի ինտերնետի (IoT) գաջեթների և ամպային ծառայությունների օգտագործման հետ: «Քանի որ IoT սարքերը հաճախ միացված են ինտերնետին, դրանք կարող են կոտրվել և օգտագործվել հարձակումներ իրականացնելու համար»,- նշել է փորձագետը։ Անաս Բայգն անվանել է կրիպտոարժույթների մայնինգի չարամիտ ծրագրեր, որոնք կարող են դանդաղեցնել գաջեթները և վնասել օգտատերերին։
Քվանտային համակարգիչների զարգացումը վտանգ է ներկայացնում ավանդական կրիպտոգրաֆիայի համար, քանի որ նման մեքենաները կարճ ժամանակահատվածում կարող են գուշակել գաղտնաբառը։ Եզրափակելով՝ վերլուծաբանը նշել է ներքին սպառնալիքների աճը, որոնք գալիս են կարևոր ենթակառուցվածքների հասանելիություն ունեցող կազմակերպությունների աշխատակիցներից։
Սիրարփի Աղաբաբյան
