Կատարը հայտարարել է Ուկրաինայի ինքնիշխանությանն ու ամբողջականությանն աջակցելու մասին
Կատարը հանդես է գալիս ի օգուտ Ուկրաինայի ինքնիշխանության և տարածքային ամբողջականության՝ ընդգծելով երկու երկրների միջև երկխոսության անհրաժեշտությունը: Այս մասին ասվում է Կատարի արտաքին գործերի նախարարության «Թվիթերի» միկրոբլոգում հրապարակված հաղորդագրության մեջ:
Սեպտեմբերի 30-ին ՌԴ նախագահ Վլադիմիր Պուտինը և ԿԺԴՀ-ի, ԼՊՌ-ի, Զապորոժիեի և Խերսոնի շրջանների ղեկավարները համաձայնագրեր են ստորագրել շրջանների՝ Ռուսաստանին միանալու և Ռուսաստանի Դաշնության կազմում նոր սուբյեկտների ձևավորման մասին։
«Կատար պետությունը մեծ մտահոգությամբ է հետևում ռուս-ուկրաինական ճգնաժամի զարգացումներին՝ կապված Ռուսաստանի կողմից ուկրաինական հողերի բռնակցման հայտարարության հետ և ընդգծում է Ուկրաինայի ինքնիշխանությունն ու տարածքային ամբողջականությունը հարգելու անհրաժեշտությունը միջազգայնորեն ճանաչված սահմաններում և անհրաժեշտ է համարում երկխոսություն սկսել՝ ճգնաժամը կարգավորելու համար»,- ասվում է հայտարարության մեջ։
